Bazarda Türkiyə, Amerika, Çin, Almaniya, B.Ə.Ə. Dubay və ingiltərədən kifayət qədər çatdırılma xidməti verən şirkət olduğunu və verilən xidmətlərin də eyni olduğunu nəzərə alsaq rəqiblərimizlə aramızda olan fərqi qısa olaraq aşağıdakı formada izah edə bilərik.

 - Biz əlçatanıq. Yaşanan hər hansı bir problemdə bizə email, çat, sosial media hesablarımız vasitəsilə dolğun məlumat verdiyiniz zaman bir şeydən əmin olmalısınız ki, bildirdiyiniz problem mütləq həll olunacaq.

 - Biz əliaçığıq. Bilməyinizi istərdik ki, bizimlə daşıdığınız hər bir məhsul üçün ödədiyiniz daşınma haqqının bir qismi sizin və bizim sosial məsuliyyətimiz üçün xərclənəcək. Məsələn: küçə canlılarının müdafiəsi, yaşıllıqların salınması və qorunması və s. 

 - Bizim hədəfimiz maksimum məmnuniyyətdir. Biz bir şeyə inanır və hədəfləyirik ki, fəaliyyətimiz dövründə əsas məqsədimiz müştəri məmnuniyyətini maksimum həddə saxlamaq olacaq. 

KoliPlus.com - dan qeydiyyatdan keç

Bizim saytımızda qeydiyyatdan keçdiyiniz zaman biz sizə Türkiyə, Amerika, Çin, Almaniya, B.Ə.Ə. Dubay və İngiltərədən yalnız sizə məxsus xüsusi adres verəcəyik. 

Verilən ünvana sifarişini yönləndir

Türkiyə, Amerika, Çin, Almaniya, B.Ə.Ə. Dubay və İngiltərədən alış-veriş saytlarından ödəniş edərək istədiyiniz məhsulu alın və bizim sizə verdiyimiz ünvana yönləndirin. 

Adresimizə yönləndirdiyiniz bağlamanı sizin yerinizə təhvil alaq

Alış-veriş etdiyiniz mağaza tərəfindən bağlamanız anbarımza gələndə biz o bağlamanı sizin yerinizə təhvil alır və sürətli şəkildə emal edirik. 

Bağlamanızı təhvil alın

Biz bağlamanızı emal edirik, siz də "Smart Customs"-a bağlamanız haqqında məumatları əlavə edirsiniz. Sonrasında isə bağlamanızı Azərbaycana göndəririk. 

Bağlamaların çatdırılma müddəti sifariş verdiyiniz gündən yox, bağlamanız "xarici anbarda" statusu aldığı andan etibarən hesablanır. Əgər bağlama xarici anbarda statusu aldığı zaman, siz bütün öhdəliklərinizi yerinə yetirmisinizsə, rahat ola bilərsiniz. Çünki, bağlamalarınız Tükiyədən 3, Amerikadan və Dubaydan 5. Çindən və Almaniyadan 7, İngiltərədən isə 7-14 iş günü ərzində göndəriləcək. Maye, kosmetik, batareyalı və qida əlavəsi kimi təhlükəli yükləriniz isə MSDS sertifikatı ilə xüsusi reyslə göndərilir. Xüsusi təhlükəli məhsullar göndərişi ilə bağlı məlumat üçün müştəri xidmətləri ilə əlaqə saxlayın.

Bəli, Türkiyə, Amerika, Almaniya və İngiltərədən maye, kosmetika və parfüm sifariş edib bizə əmanət edə bilərsiniz. Türkiyə və Amerikadan bu məhsullar həftədə 1 dəfə göndərilir. Almaniya və İngiltərədən daşınması ilə bağlı müştəri xidmətləri ilə əlaqə saxlayın. Çin və Dubaydan isə maye halında olmayan kosmetik məhsulları MSDS sertifikatına əsasən daşıyırıq.

Daşınma balansınızı bizim vasitəmizlə daşıdığınız məhsulların daşınma haqqını ödəmək və ya Amerikadan "Sifariş et" xidməti üçün istifadə edə bilərsiniz. Bu balansa artırılan məbləğ ilə Türkiyədən məhsul sifariş vermək mümkün deyil. 

Qeyd: Daşınma balansına artırılan məbləğ geri qaytarılmır, hər hansı bir formada nağdlaşdırılmır və TL balansına transfer olunmur. 

Əməkdaşlarımızın sizə daha yaxşı xidmət verməyi üçün istirahətə ehtiyacı olduğunu nəzərə alaraq bazar günü işləmirik. 

Bazar günü xaricində hər gün saat 10:00-20:00 arasında bağlamalarınızı aşağıdakı ünvandan təhvil ala bilərsiniz. 

Ünvan: Bakı şəh., Səbail ray., Lermontov küçəsi 113/117, AZ 1001  (Azərbaycan Respublikası Prezidenti Yanında Dövlət İdarəçilik Akademiyasının qarşısı)

Bağlamalarınızın daşınma haqqını ofisimizdə nağd, POS terminalla və ya saytımızdan kart məlumatlarınızı yazıb daşınma balansınızı artıraraq ödəyə bilərsiniz. Əlavə olaraq Sifariş və Daşınma balansınızı Emanat ödəniş terminalı ilə də artıra bilərsiniz.

Əgər siz öz hesabınızda Bakı ofismizdə olan bağlama(lar)ınızı yaxınlaşıb, təhvil ala bilmirisinizsə, bu zaman başqa bir şəxsə sizin adınıza bağlamanı təhvil alması üçün etibarnamə verə bilərsiniz. Bunun üçün siz saytımızda hesabınıza daxil olub, şəxsi hesabda "Etibarnamələr" bölməsindən bağlamanı təhvil almasını istədiyiniz şəxsin şəxsiyyət vəsiqəsində olan məlumatları daxil edib, ona etibarnamə verə bilərsiniz. Etibarnamə verdiyiniz tanıdığınız öz şəxsiyyət vəsiqəsi və sizin müştəri kodunuzla anbarımıza yaxınlaşaraq bağlamanı təhvil ala bilər. "Etibarnamə" yaratmaqda hər hansı bir limit yoxdur, istədiyiniz qədər şəxsin adına etibarnamə yarada bilərsiniz.

Bağlamaların vaxtında Azərbaycana göndərilməsi üçün anbarımıza yönləndirdiyiniz sifarişinizi bizə bəyan etməlisiniz. Bəyannamə anbarımıza yönləndirmiş olduğunuz yük XARİCİ ANBARIMIZA daxil olmazdan əvvəl www.koliplus.com saytına əlavə edilməlidir. Bağlama haqqında bəyannamə satıcı tərəfindən bağlama daxili karqo şirkətinə verildiyi andan sonra daxili izləmə nömrəsi (Kargo İzleme Numarası və ya Tracking Number, Teslimat no, Gönderi numarası, Kargo takip numarası, Barkod no, MNG karqo üçün Fatura no) əldə edildikdən sonra əlavə edilməlidir. 

İstisnalar:

Nadir hallarda satıcılar müştərinin bağlamasını izləmə nömrəsi (tracking number) təyin etmədən göndərir. Bu halda yalnız bağlama anbara daxil olduqdan sonra bəyannamə doldurulmalıdır.

Məlumatların düzgün qeyd olunduğu halda, bağlamanın göndərişində heç bir problem yaranmayacaq.

Azərbaycan Respublikasının qanunvericiliyinə əsasən 21 sentyabr 2020-ci il tarixindən etibarən fiziki şəxslər hər təqvim ayı ərzində ölkəyə ümumi dəyəri 300 ABŞ dolları ekvivalentindən artıq olmayan yük idxal edə bilər.
Bağlamanın ümumi dəyəri 300 ABŞ dollarından çox olduqda qanunvericiliyə uyğun olaraq gömrük rüsumu ödənilir. 
300 ABŞ dolları limitinə əşyanın öz dəyəri və saxlanılan bağlamanın daşınma haqqı daxildir.
Bağlama təyin olunmuş limitin aşıldığı halda yalnız limiti keçmiş hissə üçün gömrük rüsumu hesablanacaqdır.
Bağlamanın BCT-də saxlanılması zamanı ilk gün 15 AZN, sonrakı hər gün üçün 2 AZN (1 avro) saxlanma haqqı hesablanır.
 

Xarici ölkələrdən Azərbaycan Respublikasına daşınması qadağan olunan məhsulların siyahısı ilə buradan tanış ola bilərsiniz. 

Bağlama onlayn mağazada tam qablaşdırıldıqdan sonra alıcıya çatdırılması üçün ölkə daxili kuryerlərə verilir. Kuryer xidməti öz növbəsində bağlamaya Tracking number ( İzləmə nömrəsi ) təyin edir.
Bu nömrələr bağlamaların bəyan olunması üçün lazımdır. Bu nömrələr ölkə daxili kuryerlərdən fərqli olaraq fərqli adlandırılır. Bağlamanı izləmək üçün  UPS karqo “Tracking number”, Trendyol express “Gönderi numarası”, Yurtiçi karqo “Gönderi kodu”, Aras karqoda “Kargo takip numarası”, Trendyol express “Teslimat no”, PTT Kargo “barkod no”, MNG karqo “Fatura no”, Sürat Kargo “seri numarası” və s. təqdim edir.
Tracking number (izləmə nömrəsi) bağlamanın kuryerin anbarından təyinat məntəqəsinə çatdırılanadək mövqeyini izləməyə imkan yaradır.
İzləmə nömrəsi (Tracking number) hər bağlama üçün ayrı-ayrılıqda verilir, fərqli olur və təkrarlanmır. 
Bağlamanız daşıyıcı şirkətin anbarına çatdırılanadək yükün mövqeyini daxili kuryer xidmətinin səhifəsində izləyə bilərsiniz.

Onlayn alış-veriş hər kəsin haqqıdır. Buna görə də Azərbaycanın hansı bölgəsində olmağınızdan asılı olmayaraq bağlamalarınızı sizə çatdırırıq. Bildirək ki, poçt çatdırılması üçün sifariş bağlama Bakı ofisində olan zaman qəbul edilir.
Bağlamanızın poçtla göndərişini sifariş etmək üçün, daşınma haqqı və poçt ödənişi öncədən ödənilməlidir. ( “Daşınma balansı ” bölməsindən artıra bilərsiniz ). Bağlamalar dövlət poçtu ilə göndərilir və nəzərinizə çatdırırıq ki, poçt tariflərini dövlət poçtunun özü təyin edir. 1 kq üçün ödəniş 3 AZN-dir. Balansınızda ən az 5 AZN vəsait olmalıdır. Daşınma haqqı ödənilməli müştərinin hər hansı bir borcu olmamalıdır. Biz poçtla çatdırılma üçün Sizin balansınızdan yalnız dövlət poçtunun təyin etdiyini məbləği silirik. Artıq məbləğ balansınızda qalır. Poçtun çatdırılma müddəti, rayondan aslı olaraq 1-5 iş günü təşkil edir. Yuxarıda yazılan şərtlər tamamlandıqdan sonra bağlamanızın poçtla çatdırılması üçün zəhmət olmasa, müştəri kodunu, ad, soyad, rayon, poçt indeksi, təhvil alacaq şəxsin adını və əlaqə nömrəsini bizə təqdim etmək lazımdır.
Poçt sifarişi etmək üçün bizə sosial şəbəkələr,  e-mail vasitəsilə yaza və ya sayt üzərindən ilə əlaqə saxlaya bilərsiniz.⁣

• Onlayn alış-veriş zamanı “shipping address” bölməsinin xanaları KoliPlus hesabınızda təqdim edilən ünvana uyğun olaraq doldurulmalıdır.
• Daşıyıcı şirkət istehsalçı deyil və heç bir satış xidməti göstərmir;
• İstehsalçının səhvinə, satıcı firmanın göndərdiyi məhsulun keyfiyyətinə, tamlığına, tərkibinə, ölçü və formasına, satış anbarında tükənməsinə görə və ya sifarişin satıcı tərəfindən ləğv olunmasına görə məsuliyyət daşımır;
• Satıcı firma tərəfindən malın onun anbarına çatdırılması vaxtına görə heç bir məsuliyyət daşımır;

Nəzərinizə çatdırırıq ki, Bakı anbarına çatdırılmış bağlamaların anbarda ödənişsiz saxlanılmasının son həddi 15 (otuz) gün müəyyən edilib. Nəzərdə tutulmuş müddət ötürüldüyü təqdirdə bağlamanın anbarda saxlanıldığı hər əlavə gün üçün hər 0.50 AZN miqdarında saxlanc haqqı tutulur.